Text[]
La Cosmographie Universelle, vol. 1, liv. 5, chap. 5[]
French original[]
En la Prouince qui est le long de la riuiere de Plate, se trouue vne beste que les Sauuages appellent Pyrassouppi, grande comme vn Mulet, & sa teste quasi semblable, velue en forme d'vn Ours, vn peu plus couloree, tirant sur le fauueau, & ayant les pieds fenduz comme vn Cerf. Ce Pyrassouppi a deux cornes fort longues, mais sans ramures, hault esleuces, & qui approchent de ces Licornes tant estimees: desquèlles se seruent les Sauuages, lorsqu'ils sont bleçez & mords de bestes ou poissons portans venim, les mettans dans de l'eau par l'espace de six ou sept heures, & puis la faisans boire au patient, qui s'en trouue incontinent tout allegé.
La Cosmographie Universelle, vol. 1, liv. 12, chap. 5[]
French original[]
Les autres de ces isles ne sont point si dignes que cestui là:car celuy de Moluque, nommé Camphruch, vit comme un pourceau, sans cognoissance de religion; aue par fantasie: & lequel, outre sa femme, tient deux ou trois cens ieunes filles, desquelles on luy fait present, & de plusieurs en a des enfans. Ce nom de Camphruch, est le nom d'vne beste Amphibie, qui participe de l'eauë & de la terre, comme le Crocodil. Or ceste beste est de la grandeur d'vne Biche, ayant vne corne au front, mobile, comme pourroit estre la creste d'vn coq d'Inde, & est de longueur de trois pieds & demy, & sa plus ronde grosseur est comme le bras d'vn homme, pleine de poil autour du col, qui est tirat à la couleur grisastre. Elle a deus pattes, qui luy seruent de nager dans l'eauë doulce & salee, faites comme celles d'vne Oye (& vit la plus grand part de poisson) & les autres deux pieds de deuant faits comme ceux d'vn Cerf ou Biche. Il y quelques vns qui se sont persuadez que c'estoit vne espece de Licorne, & que sa corne qui est rare & riche, est tresexcellente contre le venin. Le Roy de l'isle porte volontiers son nom.