FANDOM


Gervaise

TextEdit

Le Bestiaire de GervaiseEdit

French originalEdit

Une beste est, ço n'est pas fable,
Qui auques est a boc sanblable
Cele beste aime pastre en mont.
Une corne a en mi le front.
Por ce que ele n'a que .j. corne
Est apelée unicorne.
Tant se set la beste desfandre
Que venerres ne la puet prandre.
Fors est et de grant ardement.
Il la prenent per argument:
L'on quiert une juine pucele,
Bien atornée, jovene et bele;
El desert la fait l'on aler
Lai ou la beste sot ester.
Soule remaint, chascuns s'e part;
Et la beste vient cele part.
Quant la pucele voit si coie
Sachiez que mult li fait grant joie:
A la pucele vient devant,
Si se couche en son devant.
La pucele l'enbrace et tient.
Li venerres cele part vient;
Quant la beste voit endormie,
Tant tost la prent et si la lie
Et puis l'a au roi presentée;
En son palais li est portée.
Li psalmistes ou sautie dist,
Quant il parla de Jhesu Christ:
"Mes cors sera autories,
Cum unicorne exauciez."
Extendre poez per la beste
Que .j. soul cor a en la teste
Crist qui dist au pueble commun:
"Je et mes peres sume un."
Dés est chiés et Jhesu est cors
Que d'enfer bota ses genz fors.
Ains rien ne li puet contrester
Ne riens ne le puet arester.
La pucele nos senefie
L'especiaul Virge Marie
En cui Dex prist humanité;
En sa char fu pechié dampné.

External linksEdit

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.