FANDOM


TextEdit

Physica, lib. VII, cap. 5Edit

Latin originalEdit

Unicornis plus calidus est quam frigidus; sed fortitude eius maior est quam calor ipsius, et mundas herbas comedit, ac in eundo quasi saltus habet, et hominem et cetera animalia fugit, preter ea que generis sui sunt, et ideo capi non potest. Et virum valde timet et ab eo declinat, velut serpens in primo casu a viro declinavit et mulierem inspexit, sic et animal istud a viro declinat et post mulierem videt. Quidam enim philosophus erat, qui naturas animalium perscrutaverat, et ille animal istud nulla arte capere potuit, unde valde mirabatur. Hic quadam die venatum ivit ut prius facere solebat, et viri et femine ac puelle eum comitabantur. Puelle autem separatism ab aliis hominibus ibant, et interim floribus ludebant. Unicornis vero puellis visis saltus suos de longe ab eis remotus sedit, et ipsas diligenter inspexit. Et philosophus hoc videns, cum Omni diligentia hoc consideravit, et intellexit quod unicornis per puellas capi posset, et a tergo ad illum accedens, ipsum per easdem puellas cepit. Nam unicornis a longe visa puella miratur quod barbam non habet, sed tamen formam hominis; et si due aut tres puelle simul sunt, tanto plus miratur et tanto citius capitur dum oculos suos in eas figit. Puelle autem ille per quas capitur, nobiles esse debent et non rustice, nec omnino adulte nec omnino parvule, sed moderate adolescentie, et has diligit quia eas blandas et suaves esse cognoscit. Et semper in anno semel vadit ad terram illam que sucum de terra paradysi habet, et ibi optimas herbas querit, et illas pede fodit ac eas comedit, et de his multas vires habet, et ideo etiam cetera animalia fugit. Sub cornu autem suo os habet quod velut vitrum perspicuum est, ita quod homo in illo faciet suam velut in speculo considerare potest, sed tamen non valde pretiosum est. Nam quia idem animal bono calore et magna sanitate perfusum est, quoniam instabili et non mutabili aere eius conversation est, noxios humores qui pestes et febres homini inferunt mitigate. Iecor autem unicornis pulverize, et pulverem istum sagimine (id est smalcz) de vitello ovorum paratum inmitte, et sic ungentum fac, et nulla lepra est cuiuscumque generis sit, si eam sepe cum hoc ungento unxeris, quin curetur nisi mors illius sit qui eam habet, aut deus eum curare non vult. Iecor enim animalis huius bonum calorem et munditiam habet, et sagimen vitellorum pretiosissimum est quod in ovo est, et velut ungentum est. Sed lepra multotiens de nigra colera est, et de nigro superhabundante sanguine nascitur. Et cum hoc inungitur, ungento de pulvere predicti iecoris et predicti sagiminis facto, bono calore et bonis viribus illius sanatur cum sit, velut predictum est, idem ungentum temperature. Et de cute eius cingulum para, et cum eo ad cutem tuam te cinge, et nulla fortis pestis aut febris te interim ledet. Sed et calcios de pelle eius para et eos indue, et semper sanos pedes et sana crura et sanos renes / gelancken interim habebis, nec pestis interim te in eis ledet, quoniam magna virtute et sanitate eadem pellis perfuse est. Et unguem unicornis in cungulum tuum firma, et unguem istum sub scutellam in qua cibus est, aut sub ciphum in quo potus est, pone, et si cibus aut potus ille calidus est, et si venenum in eo est, cibum aut potum in vase fervere facit, vel si cibus aut potus ille frigidus est, et si venenum in eo est, eum fumigare facit. Et ita venenum ibi appositum esse poteris scire. Nam unguis eius propter frequentem cursum et velocitatem ipsius reliqua carni eius purior et sanion est, et ideo quandam vim in se habet que veneno tantum timorem incutit, quod etiam fervet et fumigat. Cetera que in eo sunt medicine non conveniunt.

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.